За разлика од комедиите во кои најчесто го гледаме и каде обично глуми некој дебил кој е предобер, па затоа има среќа во животот, овој филм на Адам Сендлер е нешто сосема поразлично. Станува збор за последното режисерско остварување на Џејмс Л. Брукс, на сите нам познат по одличниот “Подобро не може да биде” со ѕвездите Џек Николсон и Хелен Хант. Во овој филм нема толку големи ѕвезди, но сепак критичарите одлично ја оценија глумата на Адам Сендлер, Теа Леони, Паз Вега и, секако, ветеранката Клорис Личмен.

Тежок е патот од Хладно Пиво и Перл Џем до Нови Фосили и Мишо Ковач... или пак можеби не? Проверете сами во првиот хрватски рокенрол филм, насловен “Пјевајте нешто љубавно” според добро познатата песна на Хладно Пиво. Членовите на “Хладно Пиво” имаат двојна улога во филмот – тие стојат зад музиката, но играат и дел од споредните улоги во овој одличен филм. 

Искрено, се прашував извесно време, што и текнало на Џесика Алба да сними ваков филм кога беше на навистина добар пат да стане посериозна и почитувана глумица.  Едноставно не ми беше јасен концептот на нејзиниот менаџер што дозволил да се појави во еден ваков проект.  Ги читавме по весниците изјавите од типот не сакам повеќе да ме гледаат само како секс симбол, талентот пред се и слично, ја гледавме на црвениот тепих во Кан покрај големите глумци и поверувавме дека и оваа девојка пораснала и ќе покаже нешто навистина квалитетно, но изборот на ваков филм не укажува на никаква актерска зрелост.