Судејќи по насловот во комбинација со постерот, сигурно мислите дека станува збор за уште една романтична комедија. Но, не е така! “Запомни ме” е длабока приказна за љубовта - меѓу родителите и децата, љубов меѓу момче и девојка, меѓу пријатели. Комичните елементи кои му даваат посебен шарм на филмот уште повеќе ја прават приказната сериозна и ве врзуваат за ликовите. Станува збор за незаборавно искуство преполно со емоции и искрени животни приказни.

Иако американската продукција, со извесен број на исклучоци, во последно време не може да се пофали со нешто позначително, ова второ играно продолжение на серијалот Сексот и градот, според мене е тотална глупост.  Доколку серијата беше замислена како проект кој ги руши табуата околу жената и нејзината сексуалност, навлегувајќи во нејзината чувствителност, овој филм жената ја спушта на едно ниско и површно ниво, претставувајќи ја како глупаво и медиокритетно суштество кое не знае да ги согледа вистинските вредности во животот и не знае да се справи со реалните ситуации во него.