Кога го гледате овој филм имате чувство дека не се случува ништо посебно. Но, токму тоа го прави толку посебен. Стивен Содерберг и неговата камера во прво лице, брилијантното сценарио и неочекуваната длабока изведба на четворицата главни актери, на филмот му донесоа „Златна палма" на Канскиот филмски фестивал. Приказната се врти околу брачниот пар Џон и Ана. Ана тврди дека нема повеќе потреба од секс, а во меѓувреме, Џон има афера со нејзината сестра. Но, се се менува кога на гости ќе дојде еден стар пријател на Џон кој обожава да снима жени со камера. Тој се спријателува со Ана...
Интересен е фактот дека оваа приказна за воајеризам е напишана само за осум дена, а снимањето траело пет недели со буџет од 1,2 милиони долари. Тоа бил првиот поголем успех на „Мирамакс", две години пред Тарантино да дојде под нивната капа, бидејќи филмот заработил 25 милиони долари во тоа време. Со тоа, „Секс, лаги и видеоленти" направи вистинска револуција во светот на филмот.

Оригинален наслов: Sex, Lies and Videotapes
Улоги: James Spader, Andie MacDowell, Peter Gallagher, Laura San Giacomo, Ron Vawter
Режија: Steven Soderbergh
Жанр: романса
Година на производство: 1989