Иако станува збор за многу чуден филм полн со неочекувани ситуации, сепак овој филм на Дејвид Линч е вистинско ремек-дело, и заради својата оригиналност, и заради неговата способност преку оградите на малите гратчиња во Америка да открие еден непознат свет на воајеризам, садизам и лудило.
Таткото на Џефри ќе колабира, па тој се враќа дома за да му помогне. Но, таму наоѓа отцепено човечко уво и со помош на наивната средношколка, тој решава да го направи она што би го направил секој детектив. Така, Џефри го открива ужасниот, но мрачно примамливиот свет на воајеризмот и на сексот. Задлабочен уште повеќе во бруталниот свет на дилерот на дрога и уценувач Френк Бут, одлично прикажан од страна на Денис Хопер, Џефри ја губи својата невиност соочен со чистото и необјасниво зло.
„Сино кадифе" е вознемирувачки филм што ги истражува најдлабоките сфери на бруталноста, преполн со експлицитно насилство, многу голотија, секс и садизам, но истовремено овој филм е веројатно најдобриот филм на Дејвид Линч.

Оригинален наслов: Sex, Lies and Videotapes
Улоги: Kyle MacLachlan, Isabella Rossellini, Dennis Hopper, Laura Dern, Hope Lange
Режија: David Lynch
Жанр: крими, мистерија, трилер
Година на производство: 1986