Тој ужива да ги снима жените, особено кога ги убива. Целта му е да ги сними нивните последни моменти, нивната избезуменост и ужасот кој го доживуваат. Еден ден тој се спријателува со Хелен, млада жена која изнајмува една од собите во неговата куќа. Но, таа ке ја открие неговата колекција со филмови и со огромна љубопитност ќе сака да ги изгледа, па дури и тие да бидат целосно непријатни за гледање. Дали во неа тој ќе види шанса за да се искупи за сите направени злодела или пак, таа ризикува да биде уште една од неговите жртви?
Појавувањето на филм со ваква содржина во 60-тите години за многумина беше вистински шок. Тие нарекоа „болен", „грозен" и „ѕверски" и само по една недела филмот беше повлечен од кината. Неговата контроверзност стави предвремен крај на кариерата на режисерот Мајкл Пауел. Дури во 70-тите години, кога Мартин Скорсезе го пофали филмот, „Воајер", тој почна повторно да ја привлекува публиката.

Оригинален наслов: Peeping Tom

Режија: Michael Powell

Улоги: Karlheinz Bohm, Anna Massey 

Година на производство: 1960